Mingəçevir Turizm Kollecində intellektual yarış keçirilmişdir

Hər tədris ilində olduğu kimi 2011/2012-ci tədris ilinində də Mingəçevir Turizm Kollecinin tədris qrupları arasında bilik yarışları təşkil olunmuşdur. Səkkiz komandanın iştirak etdiyi bu yarışlar üç turdan ibarət olmuşdur. Yarışların I və II turları dekabrın 7 və 13-ü tarixlərində keçirilmişdir. Birinci turda Bİ-4, Rİ-3, NT-3 və TXT-18 qruplarından təşkil olunmuş komandalar iştirak etmişlər. İkinci turda isə bilik yarışı MUİ-3, İ-16, TMT-5 və MT-4 qruplarının komandaları arasında keçirilmişdir. Dekabrın 14-də isə illik iki mərhələnin qalibi olmuş 4 komandanın iştirakı ilə final müsabiqəsi keçirilmişdir. Bilik yarışına kollecin təlim-tərbiyə işləri üzrə direktor müavini Əşrəf Əsgərov, fənn müəllimləri Rəsul Məmmədov, Nail Sadıqov və Çinarə Məmmədovadan ibarət münsiflər heyəti rəhbərlik etmişdir. Yarışın final mərhələsində TMT-5 qrupunun komandası bütün komandalardan daha fəal iştirak etmişdir, sualların çoxunu doğru cavablandıran bu komanda münsiflər heyəti tərəfindən 70 balla qiymətləndirilmiş və yarışların qalibi adını qazanmışdır. MT-4 qrupunun komandası isə 50 bal toplayaraq bilik yarışını ikinci yerdə başa vurmuşdur. Yarışın qalibləri Mingəçevir Turizm Kollecinin rəhbərliyi tərəfindən fəxri fərmanla təltif olunacaqdır.

Əlavə edilmə tarixi: Apr 9 2013 10:44PM | Baxılma sayı: 2783

Paylaş

SON BAXILANLAR

İnşa yazı müsabiqəsi.
Ölkəmiz tarixin ən əlamətdar günlərindən birinə - Azərbaycan Xalq Cümhuriyyətinin yaradılmasının 99 - cu ildönümünə hazırlaşır Mingəçevir Turizm Kollecində da bu şanlı tarixi layiqincə qeyd etmək üçün tədbirlər planı nəzərdə tutulmuşdur.

28 May Azərbaycan Xalq Cümhuriyyətinin yaranma günü
Mayın 27-də Mingəçevir Turizm Kollecində Mingəçevir şəhər İcra Hakimiyyəti ilə birlikdə “Müstəqil Azərbaycan Respublikası Azərbaycan Xalq Cümhuriyyətinin varisidir” mövzusunda elmi nəzəri konfrans keçirilmişdir

“ 1 Mart – Ümumdünya Mülki Müdafiə Günü”
Fevralın 27 - də kollecdə “1 Mart Ümumdünya Mülki Müdafiə Günü” münasibətilə “Cəmiyyətin həyatında Mülki Müdafiənin rolu və əhəmiyyəti” mövzusunda tədbir keçirildi.

Təbiəti qoruyaq mövzusunda diskussiya.
Ulu öndər Heydər Əliyevin 90 illik yubileyinə həsr olunmuş tədbirlər planına uyğun olaraq Mingəçevir Turizm Kollecində “Heydər Əliyev təbiətə qayğı” mövzusunda diskussiya keçirilmişdir.

Mingəçevir Turizm Kollecinin Futbol komandası Ulu Öndərə həsr olunmuş idman yarışının qalibidir
Gənclər və İdman idarəsinin rəhbərliyi tərəfindən yarışın fəxri kuboku Mingəçevir Turizm Kollecinin komandasının futbolçularına təqdim olunmuşdur.