ƏSAS SƏHİFƏ        XƏBƏRLƏR        FOTO QALEREYA        HAQQIMIZDA        ƏLAQƏ

FAYDALI  KEÇİDLƏR
Azərbaycan Respublikası Mədəniyyət və Turizm Nazirliyinin rəsmi veb saytı
http://www.mct.gov.az
Tələbə Qəbulu üzrə Dövlət Komissiyasının rəsmi veb saytı
http://www.tqdk.gov.az
Azərbaycan Respublikasının rəsmi portalı
http://www.azerbaijan.az
Elektron Hökumət portalı
http://www.e-gov.az
Azərbaycan Respublikası Təhsil Nazirliyinin rəsmi veb saytı
http://www.edu.gov.az
Azərbaycanın virtual xəritəsi
http://www.gomap.az





Mingəçevir Turizm Kolleci məzun günü.

Azərbaycanda Turizmin inkişafına ixtisaslı kadr hazırlığı ilə önəmli töhfə verən Mingəçevir Turizm Kollecinin kollektivi 24 iyun 2016-cı il tarixində sayca onuncu,yəni yubiley dönəminin məzunlarını son kəs isti nəvazişlə bağrına basıb yaxşı yol dedi.


Yüzlərlə gənc məzun xüsusi geyimlərdə kollec meydanını bürüyərək çətin və maraqlı təhsil illərinə əlvida,həyatlarının yeni dönəminə isə salam söyləmək üçün sevinc və fərəh içində bir araya gəlmişdi.Təbriklərin,mahnı və rəqslərin müşayəti ilə gənclər ötən illər ərzində onların həyat yolunu elmin nuru ilə işqlandırmış doğma müəllimlərinin əhatəsində unudulmaz anlar yaşayıb təhsil illərinin yorğunluğunu çıxardı.
Bəli, bu gənc oğlan və qızların sevinib şadlanmağa yetərincə səbəbi vardı.Əvvəla ona görə ki, dövlət başçısı cənab prezident İlham Əliyev tərəfindən inkişaf etdirilməsi məmləkət insanı üçün prioritet vəzifə elan edilmiş turizm sektorunun bu gün məhz onlar kimi gənc mütəxəssislərə böyük ehtiyacı var.Turizm işinin təşkili,Reklam işi,Bələdçilik,Dizayn, Turist sanatoriya və kurort komplekslərində tibbi xidmətin təşkili və bu kimi digər zəmanə üçün zəruri hesab olunan ixtisaslar üzrə təlim verən bir nüfuzlu təhsil ocağının tələbəsi və məzunu olmaq razılaşın ki,böyük şərəfdir.O müəssisənin ki,sorağı Avropanın ən qabaqcıl məmləkətlərindən və həmin dövlətlərin elm-təhsil mərkəzlərindən gəlir.İllərdir ki,Turizm Kolleci Almaniya, Fransa ,Rumıniya kimi ölkələrin ali təhsil müəssisələrinin qatıldığı böyük layilərin ən fəal iştirakçısı kimi müasir təlim metodlarını qavrayır və tədris prosesində uğurla tətbiq edir.Layihələrin ən üstün tərəflərindən biri də odur ki,bundan sonra təhsilini ali məktəblərdə davam etdirmək istəyən kollec məzunları təhsillərini həmin ali məktəblərin birbaşa ikinci,hətta üçüncü kurslarından davam etdirmək imkanı əldə edəcək.Ümumiyyətlə fəaliiyət göstərdiyi on il ərzində Mingəçevir Turizm Kolleci ixtisaslı mütəxəssis hazırlığı vəzifəsini layiqincə yerinə yetirməyə müyəssər olub.İndiyədək məzun adını qazanmış beş mindən artıq mütəxəssis hazırda uğurlu karyera yüksəlişini davam etdirir.Bu yaxınlarda Mədəniyyət və Turizm naziri cənab Əbülfəs Qarayev başda olmaqla çoxsaylı qonaqların iştirakı ilə baş tutmuş yubiley təntənələrində də bu barədə ətraflı söhbət açılaraq kollektivin ünvanına ən xoş sözlər söylənilmişdi.Elə məzun tədbiri də istisna təşkil etmədi.Təbrik nitqi ilə məzunlar,pedaqoq və valideynlərə üz tutan Turizm Kollecinin direktoru ,iqtisad elmləri doktoru,professor Əyyub Əyyubov da uğurlardan bəhs edərək kollektivin perspektivlərindən danışdı.Ünlü elm adamı karyera dönəmində yetirmələrinə yeni naliyyətlər arzuladı.
Məzun tədbiri ayrı-ayrı ixtisas qrupları üzrə məzunların xoş arzuları,şer,mahnı və rəqsləri ilə yadda qaldı.Gənclər vida günündə belə istedadlarından yararlanıb ,nəyə qadir olduqlarını hər kəsə nümayış etdirdi.Havnın həddən artıq isti keçməsi də məzunların bayram coşqusuna mane ola bilmədi.Onlar fərdi çıxışlarında həm də ötən illər ərzində tələbələrin zəhmətini çəkmiş müəllimlərindən halallıq istədi.Beləcə yubiley məzun tədbiri saatlarla davam etdi.Xatirə şəkilləri çəkdirildi,Yallı havası ilə dövrə vuruldu,coşqulu rəqslər ifa edildi. Beləcə 500 dən artıq məzun Turizm Kollecini uğurla bitirərək karyera dönəminə vəsiqə əldə etdi.
 

 
Əlavə edilmə tarixi: 19.07.2016   |   Baxılma sayı: 907

Paylaş      

SON BAXILANLAR

Qanlı Yanvar faciəsinin 25-ci ildönümü
Mingəçevir Turizm Kollecində 1990-cı ilin Qanlı 20 Yanvar faciəsinin 25-ci ildönümü böyük ehtiramla yad edilmişdir.

Dekorativ tətbiqi sənət festivalı

Kollecdə 8 Mart Beynəlxalq qadınlar bayramı günü qeyd edildi.

Mingəçevir Turizm Kollecinin tələbələri İsmayıllıda ekskursiyada olub
Mingəçevir Turizm Kollecinin “Səyahət və ekskursiyalar” şöbəsi 19 may 2018-ci il tarixində növbəti ekskursiyasını həyata keçirib.

Mingəçevir Turizm Koleci tərəfdaş təhsil müsəssisə ilə birgə Rusiya Federasiyasında keçirilən beynəlxalq konfransa təşkilatçılıq edib
Bu günlərdə Rusiya Federasiyasından Azərbaycana müjdəli xəbər daxil olub. Belə ki, ölkənin ən geniş beynəlxalq əlaqələr şəbəkəsinə malik təhsil ocaqlarından biri olan Mingəçevir Turizm Kolleci Sankt-Peterburq şəhərində beynəlxalq əməkdaşlıq əlaqələri çərçivəsində növbəti uğura imza atıb.

 
       
Copyright © 2013, Mingəçevir Turizm Kolleci