ƏSAS SƏHİFƏ        XƏBƏRLƏR        FOTO QALEREYA        HAQQIMIZDA        ƏLAQƏ

FAYDALI  KEÇİDLƏR
Azərbaycan Respublikası Mədəniyyət və Turizm Nazirliyinin rəsmi veb saytı
http://www.mct.gov.az
Tələbə Qəbulu üzrə Dövlət Komissiyasının rəsmi veb saytı
http://www.tqdk.gov.az
Azərbaycan Respublikasının rəsmi portalı
http://www.azerbaijan.az
Elektron Hökumət portalı
http://www.e-gov.az
Azərbaycan Respublikası Təhsil Nazirliyinin rəsmi veb saytı
http://www.edu.gov.az
Azərbaycanın virtual xəritəsi
http://www.gomap.az





Qanlı Yanvar faciəsinin 25-ci ildönümü

Mingəçevir Turizm Kollecində 1990-cı ilin Qanlı 20 Yanvar faciəsinin 25-ci ildönümü böyük ehtiramla yad edilmişdir.


Mingəçevir Turizm  Kollecində 1990-cı ilin Qanlı 20 Yanvar faciəsinin  25-ci ildönümü böyük ehtiramla yad edilmişdir. Mingəçevir şəhər İcra hakimiyyətinin və  Mingəçevir Turizm  Kollecinin xüsusi tədbirlər planına uyğun olaraq silsilə tədbirlər həyata keçirildi. Ayrı-ayrı  fənn komissiyalarında və Tələbə - Gənclər təşkilatında keçirilən  diskussiyalarda  faciənin səbəbləri  və miqyası barədə müzakirələr aparılmışdı. Tələbələr arasında 20 yanvar hadisəsinə həsr olunmuş rəsm işlərinin  və inşa yazıların müsabiqəsi təşkil edilmişdir. Keçirilmiş tədbirlər barədə məlumatlar əsas tədris korpusunun dəhlizində yerləşdirilmiş xüsusi monitorda həftə ərzində nümayiş olunmuşdur.

Tədbirlər silsiləsinin yekunu olaraq yanvarın 19 – da kollecin H. Əliyev İdeoloji mərkəzində “ 20 Yanvar faciəsinin Azərbaycan xalqının  milli azadlıq hərəkatında  yeri və rolu ” mövzusunda elmi – nəzəri konfrans  keçirildi. Toplantı iştirakçıları əvvəlcə ölkəmizin müstəqilliyi və ərazi bütövlüyü  uğurunda mübarizədə şəhid olmuş bütün şəhidlərimizin xatirəsini bir dəqiqəlik sükutla yad etdilər. Sonra 20 Yanvar faciəsinə həsr olunmuş videoçarx nümayiş etdirildi.

Konfransda giriş nitqi  ilə kollecin direktoru prof. Əyyub Əyyubov çıxış etdi. Əyyub müəllim  1990- cı ilin yanvarı ərəfəsində Azərbaycanda yaranmış ictimai- siyasi vəziyyəti qısaca xatırlatdı.

Dağlıq Qarabağın Azərbaycandan  zorla alınmasına xalqımızın dinc yolla etiraz etdiyini və Sovet rəhbərliyinin bu məsələdə xəyanətkar mövqe tutduğunu vurğuladı. Azərbaycan xalqının haqlı etirazının Mərkəz tərəfdən qanlı şəkildə yatırıldığını qeyd etdi. Xatırlatdı ki , bu qanlı əmələ ən qətiyətli etiraz xalqımızın ümumimilli lideri  H. Əliyev tərəfindən səsləndirilmişdir. Faciənin əsl hüquqi-siyasi qiyməti də məhz onun siyasi hakimiyyətə qayıdışından sonra verilmişdir. Ölkə rəhbərliyi  20 yanvar faciəsi qurbanlarının xatirəsini yad edilməsini  daima diqqət mərkəzində saxlayır.

Konfransda kollecin pedaqoqları Ceyhun Abdullayev “ 20 Yanvar xalqımızın qürur və mübarizə tarixidir ”, Çinarə Allahverdiyeva  “20 Yanvar faciəsi şəhidlərin qanı ilə qazanılmış zəfərdir ”, Türkan Kazımova “ 20 Yanvar  şəhidləri Azərbaycan gəncliyi üçün qəhrəmanlıq salnaməsidir ”, İlahə İsmayılova “Azadlıq faciələri xalqımız və dövlətimiz tərəfindən unudulmur ” mövzularında maraqlı məruzələrlə çıxış etdilər.

Tədbirin rəsmi hissəsindən sonra tələbələrin hazırladığı ədəbi – bədii kompozisiya nümayiş etdirildi.


 
Əlavə edilmə tarixi: 19.01.2015   |   Baxılma sayı: 767

                                

Paylaş      

SON BAXILANLAR

Mingəçevir Turizm Kollecində “Narkomaniya və Alkoqolizmlə mübarizə“mövzusunda tələbələrin elmi konfransı keçirildi
Mingəçevir Turizm Kollecinin istedadlı tələbələri fəal şəkildə dərsdənkənar ictimai tədbirlərə qoşulur, özfəaliyyət qrupunun işində iştirak edir, şəhər miqyasında keçirilən müxtəlif debat və diskussiyalarda işgüzarlıqları ilə seçilirlər. Kollec rəhbərliyi yeni bir təşəbbüs irəli sürmüş, tələbələrin yaradıcı potensialından daha dolğun istifadə etmək üçün onların iştirakı ilə elmi-nəzəri konfransların təşkil olunması ilə bağlı qərar qebul edilmişdir.

Mingəçevir Turizm Kollecində Ümumdünya Turizm Günü münasibəti ilə konfrans keçirilib
Turizm sənayesini ixtisaslı kadrlarla təmin edən Mingəçevir Turizm Kollecinin kollektivi Ümumdünya Turizm Gününü silsilə tədbirlərlə qeyd edib. İstedadlı tələbələrin iştirakı ilə ən yaxşı inşa, rəsm və divar qəzeti nominasiyaları üzrə müsabiqələr təşkil olunub, kitab və əl işləri sərgisi keçirilib.

Ekskursiyalar
Mingəçevir şəhərinin 65 illik yubileyinə həsr olunmuş tədbirlər planı çərçivəsində kollecin turizm fənn müəllimlərinin və ayrı- ayrı ixtisas qruplarının iştirakı ilə bir sıra ekskursiyalar həyata keçirilmişdir.

İntellektual yarış
Ümummilli lider H.Əliyevin yaxınlaşmaqda olan anım günü münasibəti ilə MTK-da silsilə tədbirlər keçirilir.

Gənclər üçün Təhsil Mərkəzi Azərbaycan Respublikası Gənclər və İdman Nazirliyinin maliyyə dəstəyi ilə “Gənclərin beynəlxalq əməkdaşlığının genişləndirilməsinə dəstək” adlanan layihə başlandı.

 
       
Copyright © 2013, Mingəçevir Turizm Kolleci